【機票你不得不知的二三事】航空公司與旅行社訂機票的 4 大不同
現今世代網購風氣普及加上科技發達，足不出戶都可以輕鬆買到機票。訂購機票嘅確方法有很多，有人選擇網上訂購，有人直接係航空公司訂，有人會去旅遊平台網站訂，有人選擇親身到旅行社訂購。或許你會發現價格有所唔同，有啲時候航空公司官網訂購比旅行社提供的價格更便宜，有時旅行社提供的比網上看到的更優惠。到底航空公司同旅行社訂機票有乜分別呢？ Trip精J 為你拆解航空公司、旅遊平台網站同旅行社嘅 4 大不同，可以進行比較，選出合心意嘅訂票方法。 －Trip精J字
１. 價格
原則上，從航空公司官方網站所訂購嘅機票價格某部分係會比旅行社平，因為航空公司著重其產品，而旅行社著重嘅係喺服務方面。航空公司所提供嘅係「全額票價」，只係包含客人基本餐飲、行李寄存和稅收等。旅行社嘅收費包括左代辦手續費，服務費及佣金，但除左幫客人訂飛之餘，更會細心為客人留意航空公司或機票中唔同嘅規定，例如機票嘅訂位、改期退票嘅規定，或餐飲、行李規定、航空公司種類等。旅行社人員亦會為客人進行唔同嘅機票酒店搭配，搜尋最能配合客人需求嘅機票組合。
２. 數量
從航空公司網站訂購嘅機票，當然只屬於該間航空公司。雖然存在聯航經營嘅航班，但係航空公司會唔會將有關嘅機票放埋上官方網站出售呢？呢個就取決於航空公司嘅銷售政策。但相反，旅行社提供嘅係多間航空公司嘅機票，同埋更多嘅套票，旅行社銷售嘅機票數量係較單一航空公司嘅多，可以話係提供左一個能包容多間航空公司同可以比較各家票價嘅平台。
３. 服務
有冇發覺旅客們無論從航空公司網站抑或旅遊平台網站訂購嘅機票，你地都係要逐張逐張買。仲有機會當你一個人要為一大班人買機票嘅時候，你會發覺同一日張機票當你禁緊制時張機票無啦啦越買越貴（都唔知同d 朋友解釋好）。若果同行有老友記或小朋友時，例如須要特別照顧、小朋友飛機餐、素食人士飛機餐、bb籃、想一大班朋友自己圍埋一齊坐等等要求，如果你係喺航空公司網站或旅遊平台網站訂機票，以上總總要求都係通通做唔到架！ 但遍遍旅行社就可以代辦一切！往往逐張買機票時都須要每一位乘客嘅一切個人資料（資料又敏感又怕自己打錯）。但當以團體名義去旅行社訂購機票就只須要一個人名或團體／公司名就可以辦理團體機票！咁你地會問，團體機票有咩咁好？ 除左一個名可以處理眾多機票外，價錢比起個人機票之價錢更平、行李託運亦有專門為團體而設嘅團體窗口、更可以無條件下自動 group 埋一齊坐唔洗自己 遂個做online check－in。但當然佢都有唔好訖既地方就係缺乏彈性，就係所有人士都須要一齊出發及回程！（某啲航空公司有設定百分比缺席人數，但多數1－2位，基於團體人數而定）當然除左團體機票外， 經旅行社代訂個人機票嘅旅客都可以透過旅行社幫忙預留坐位、訂定特別膳食等特別要求。
10／15 人以上就可以申請團體機票。（只限旅行社）
４. 優惠
航空公司同旅行社都會提供優惠機票，但多數航空公司只會站係自己嘅官方網站售賣優惠機票，數量有限之餘，有時仲會規限出售嘅時間，例如香港快運（HK EXPRESS）嘅超值機票會係朝早 8點-中午12時出售，爭崩頭喪禁都未必買到。而旅行社嘅優惠只會規範客人以旅行團嘅方式或套票﹙機票連住宿﹚購買，咁樣先能夠享受更低價嘅機票。當然，航空公司亦會聯同旅行社合作，進行互惠方案，例如增加旅行社出團率，航空公司亦能透過旅行社更客易進行推廣及銷售。
旅行社能夠讓旅客唔洗遊走係各間航空公司嘅官網逐間作對比，而航空公司嘅官方網站則較多少少優惠。以後訂購機票應該透過咩途徑可以用更快捷嘅方法訂購最優惠機票而慳最少時間但又最放心？旅客心中有一定答案！如果想凡事親力親為就要記得！記得！記得！要小心留意細項及花時間做更多嘅資料搜集了。
