錯過心儀對象同公司錯過人才，原理係一樣
同行好友A先生一直想追財經主播Y小姐（因為幾熟，知佢唔介意俾我做例子），其實Y小姐一直對佢有好感， 放工一齊打邊爐，放假兩個人睇戲，關係幾close，前前後後持續咗兩年，Y小姐俾哂機會，A先生一直好有信心， 時機成熟就會確認關係，有一晚終於發現Y小姐係IG post咗同另一個男仔嘅倫敦旅行親密照，事後Y小姐閨蜜就話人哋等咗你兩年已經無耐性要放棄。
同我地行業一樣，一個稱職的Headhunter是會在「嚴謹篩選」和「速度」中取個平衡點，因為有實力的Candidate好快被市場吸收，他們收到的Offer往往不只一家公司，只有以速度處理，才能保證Candidate不會先被其他公司招聘，可順利加入客戶公司團隊。
同樣地，很多公司在招聘上也很講究速度，HR未必會話您知道，公司崗位有幾急（原因包括之前安排入職的人才俾另一間公司挖了角/ 舊公司加人工唔畀走/ 番工第一日已no show等等） ，未計職位vacant多一個月令公司少左1個月生產力，HR仲會俾老細日追夜追，所以， 一般情況下HR也比較急，會希望找到「即時入職」的候選人。當Candidates問希望去完個旅行或休息多一星期先report duty，人哋已經未必會考慮你，甚至，當有申請者就算條件差D，但可以安排即時入職時都會揀咗先。
好似年底公司就處理的其中一個case為例，客戶是接開政府project的公司，年底就中標了一個規劃幾大的，而我地嘅工作就係要一星期多要內物色和挖角到一位70K月薪嘅Architect，最好聽日面試後日返工，那個行業的Architect全香港得70-80人，符合人工和條件的有3成幾，結果最後篩選下有幾位可以安排面試， 僱主請了在幾位當中經驗最差的一位，原因正是因為他可以即時入職。
結論係，不論公司想找到好人才，或人才想找到好公司，或者同心儀對象表白，速度係好重要，都係誠意的另一個展現方式。
本文經由作者譚翹暉授權轉載，並同意Business Touch編輯文章與修訂標題。文章內容為作者個人意見，不代表本公司立場。）
作者：譚翹暉
