專題

【煲出商機】從生活中發掘商機 創湯料包專門店 攻都市人市場

常聽到生意人說要創業要先尋找商機,有人會大搞噱頭,而最簡單直接的商機便是提供方法,解決別人的問題。自小在家中雜貨及涼茶鋪幫手的麥浩晃(Kenny),對煲湯十分拿手,廿四孝老公的他為太太在懷孕時煲不同滋補湯水,從中察覺到不少新手媽媽都有想煲湯補身的想法,但缺乏對湯料的認識,及執湯料的時間,面對不知如何入手的難題。Kenny於是成立湯料包專門店「煲湯」,推出不同功效的湯料包,不但得到新手媽媽歡心,更受到不少都市人歡迎。

家中在街市經營雜貨兼涼茶舖,而Kenny為減輕媽媽的工作,自小便在店內幫忙,辨識藥材、煲涼茶、隔渣起茶等不在話下,慢慢成為一個煲湯好手,而主修Marketing的Kenny在06年辭去外面的工作,全力打理家中的涼茶生意,「都聽到人同我講唔值得咁做,但我媽咪年紀大,唔想佢咁辛苦,而我覺得呢類傳統生意結束咗好可惜,於是我決定接手。」

生活經歷變商機

16年,Kenny的太太懷孕,他全程煲出不同的湯水為太太作調養之用,啟發他創立湯料包專門店「煲湯」,「太太懷孕時有上唔同嘅討論區,及與身邊朋友分享,發現好多媽媽產前產後都知有湯水滋潤係好,但唔知煲乜,有時又懶得執,咁我設計出唔同功效,已經執好晒材料嘅現成湯包,加上可以網購,應該會有市場。」                              

在湯包設計上,Kenny覺得要以人為本,最好是可滿足較大部分的需要,「每個湯包我哋都附有說明書,上面寫住材料、備料、煲法及功效,最重要係簡單易明。初始是主打孕婦及初生媽媽,於是圍繞增母乳、坐月補身等功效推出十多款湯包,一出就大受好評,然後就推出大部分人都啱飲嘅袪濕、清熱潤肺、安眠等功效湯包,現時已推出60多款唔同嘅湯料包。見到唔少人着重頭髮護理,於是出咗幾款烏髮嘅湯料包,但係反應麻麻,如果功能性太專,個受眾市場始終太細。」

網絡與實體店互相配合

最初Kenny是打算主打線上商店,而在街市租店是作為倉庫及門面之用,但是意想不到門市生意更受歡迎,「諗住打年輕市場,網購會多人接受,但發現大多客人都係想拎上手望望先安心,唔少跨區客會過嚟實體店買,而買過幾次之後嘅熟客,先開始放心網上買。我哋門市亦以簡潔為裝修主調,令啲年輕顧客唔會抗拒行入嚟。」

現時「煲湯」每月售出過千包湯包,Kenny認為市場仍有發展潛力,會考慮擴展,「雖然現時興網購,但係有門市會令客人更有信心,尤其係對於新客人,所以如果擴展會選擇雙線進行,跨區開設新嘅實體店;另外製作一啲示範煲湯步驟及點處理食材嘅裝上短片,令更多人認識我哋。」

Tags
Show More

相關文章

Close