專題

創業爸爸伍文生 為仔囡努力吸金 

父親節忙到「無得抖」?

創業爸爸伍文生 為仔囡努力吸金   

父親節忙到「無得抖」?

星期日父親節,相信各位孝順子女也會為勞苦功高嘅父親大人,好好慶祝一番,以表心意。作為兩子一女之父的伍文生,在離開TVB藝員工作之後一直忙過不停,同時要兼顧餐廳老闆、主持司儀、口才訓練導師等多個身分;即使到了一年一度的父親節,也要上廣州擔任主持,咁辛苦咁搏命,只係為咗一家五口過得幸福快樂。

做老闆與做爸爸  最重要係「誠信」

當年兒童節目主持人之一的「吱吱鼠」,現在已是三孩之父,伍文生在離開TVB 之,去過澳洲生活,回流返港就轉戰飲食業,跟岳父大人—即是深水埗新香園的老闆學師,三年後就於大角咀開了第一間外賣店「SHY XPRESS」,到現時為止,他已是四間食店的老闆。當問及做老闆與做爸爸有何分別,他說其實兩者甚為相似,「最緊要係識得實踐,做老闆要識得落實去做岩嘅決定,對食客及夥計如是;同樣地喺屋企身為爸爸要遵守承諾,尤其係小朋友嘅記憶力好好,應承咗又唔做,補償多次都係無補於事。」

做老闆要十項全能 日挨十八個鐘

回想剛回港的日子,伍文生對飲食業一竅不通,以為經營餐廳是「手板眼見功夫」,但實屬不是。在新香園學師的日子,他由水吧沖奶茶、整蛋牛治、做醃製工作,接觸後先知道原來一份普通的三文治,背後工序竟如此繁複;即使是瑣碎事,當中每個步驟都也是學問。他說﹕「見到岳父係老闆都落手落腳,自己更需加倍努力,唔係單純打份工咁簡單。」

在大角咀開了第一間外賣店後,不久同時在觀塘開「SHY Dance Cafe」,他更直言﹕「初時好辛苦架﹗當時每日喺大角咀做早巿,午巿返觀塘幫手,收舖又返去大角咀,雖然係老闆,但每日做足18個鐘﹗之後開特許經營店,有拍檔加入分擔工作,情況便慢慢好轉。」現時,他抽空會接婚禮主持工作、口才訓練班、廣州工作等等,發覺在餐飲工作上「投入係應該,但要抽身咁投入。」

做老闆負責管好盤數,賺取利潤,伍文生直言做飲食欲速則不達,「做飲食係唔可以用一個月嘅利潤去睇,起碼要用一年,因為有淡旺季,要計客流量,身邊又有唔同競爭者,要因應整體情況先去諗唔同對策。」

成功建立「SHY」品牌  未來進軍大灣區

「SHY」品牌秉承「新香園」的港式傳統,除了在香港發揚光大,他未來目標是帶領品牌進軍大灣區,「大灣區有好多講粵語嘅地區,對公司嘅發展都好方便,同埋始終租金同人工比香港平一半。」現在他親自為公司做推廣及宣傳,在商談及接洽過程之中,可以更清楚了解內地巿場,「大灣區嘅商家都睇中港式餐廳嘅彈性好大,變通性好強,可以滿足唔同食客嘅需要,呢個係我哋嘅優勢。」

擔任婚禮司儀 見證人生重要時刻

問及做餐廳老闆與做演員的最大分別,他表示﹕「演員可以將一個角色飾演得很好,但始終唔係現實,現實中老闆每日面對各種問題,大小事情都需要由自己決定話事。」他坦言當藝員的經歷,的確為他的往後發展帶來很多正面影響,「以前做兒童節目,吱吱鼠嘅形象已經好深刻,好多客人都話係睇住我大,有啲客人結婚都搵我做司儀,感覺好似一直陪伴大家成長。」

Tags
Show More

相關文章

Close