專欄

【職場新人類要注意】獵頭猛人分享  輕鬆賺近30K的行業

【職場新人類要注意】獵頭猛人分享  輕鬆賺近30K的行業

 

早前係一個大專生就業規劃會中分享,完結時準畢業生問:「你認為今年畢業後入金融業邊個範疇最好?」我反問:「 點解你想入金融業?」 學生毫不猶豫回答:「 香港係金融業最搵錢㗎喇!」

 

傳統智慧認為金融行業先係香港搵錢快嘅出路,的確金融行業係中樓底柱,平均收入高,但隨著呢幾年多方面監管更嚴謹(好多工作您想做,但公司Policy或監管機構唔容許)、打擊走資、證券行免佣金、外資企業減少在香港設總部加上Market Player的結構同以前唔同,更要考慮埋AI未來係金融業取代越嚟越多嘅位置,大學畢業生(特別係本地生)進入金融業已經冇以前咁吃香

 

考慮到人工和行業發展,其中我鼓勵朋友留意的是裝修和室內設計行業,中細型單位是香港和好多一線城市的大趨勢,用家亦越嚟越捨得洗錢在細屋裝修上,而不是傳統繼續儲蓄準備下一次首期,這個現象令這十年八年來裝修和室內設計公司市場非常熾熱和蓬勃,隨便一家裝修公司都接單接到停唔到手,市場人才供不應求,人工自然「炒高哂」,結果只係擁有幾年經驗的Project coordinator /AM同熟悉住宅的Interior designer人工已經近30K,甚至曾經有客戶因為想見多幾位candidates,遲了兩日出offer給最合適果位,點知已經給另一間公司請咗。除左人工高外,最緊要係行業套Skillset放諸四海皆通,係香港累積的經驗,就算他日到不同城市工作和生活也用得著。

 

另一個行業就係IT,逢有企業Set up寫字樓, 喬遷或只是Upgrade硬件, 基本上也需要位熟悉Hardware Infrastructure和Cloud等系统方案的資訊科技人才處理On board, 可惜選擇這個行業的學生和各院校每年畢業生人數少,未計部分畢業生選擇寫App創業或Freelance,整個行業根本唔夠人,有些公司的資訊科技崗位更是長期空缺。曾經處理過中小企客戶只係招聘1-2年工作經驗的人才(Technical Consultant) 已需要20K,甚至有公司招聘人才時已同即將入職人選簽好合同,一個月離職通知期時也被另一家公司以更高薪挖角,可見人才市場競爭情況的激烈。

 

每個年代都有行業改革,要因時制宜,順勢而行,除了專注工作和深耕個別行業,識審時度勢,俯瞰全局也緊要。

 

(本文經由作者譚翹暉授權轉載,並同意Business Touch編輯文章與修訂標題。文章內容為作者個人意見,不代表本公司立場。)

 

Text by: 譚翹暉

 

譚翹暉 獵頭公司

Caterbee HR Group董事,活躍的獵頭人,處理超過一百家企業不同崗位的招聘,包括跨國企業、上市公司和央企等,致力推動獵頭服務普及化,並透過人才配置推動企業成長。

Tags
Show More

相關文章

Close