最近流行一句話「別人得到嘅機會都係我地錯過的」，其實Job Market亦一樣，A公司請到嘅好員工都係B公司錯過了的人才。筆者公司每年都見證到被公司拒絶了嘅Candidate去到其他公司大展拳腳，屢穫好評，或者您認為因為「人夾人」，但經過多次觀察，更大概率係公司犯了幾個小毛病。
想同事做得耐 切忌「職能錯配」
有時候公司因為等人用，招聘比較急，容易把求職廣告內容草草釐定，務求搵一位似樣的人才返工，所以犯上「職能錯配」，職位和實際工作內容不相符，同事入職做落先發現和預期工作內容有出入，例如Marketing崗位入職後發現要同時負責Operation，Admin入職後原來部分會計工作也要處理。當Talent發現工作同自己預期很大出入時，自然會避之則吉，另謀高就。因此，公司可採取兩個解決方法，其中一個是參照（Benchmark）相同行業和相近規模公司的職位描述(Job Description) 再加上自己部門嘅獨有工作而整理成職位的工作內容，其次是在面試時表達清楚未來一至兩年不同時期需要面對「坐埋位嘅日常工作」，這就可確保職能相配。
「同事做唔耐」 可能係有期望落差
另一方面是預期管理 （Expectation Management），意思係HR介紹工作時是只講工作職位的優點，還是連壞處都講清楚，包括日常工作的痛點和缺點，例如平均OT時間到幾點，出差頻率有幾密等等， 很多時候Candidate不是不接受職位的缺點，而最重要是入職前有了面對各好壞的預期，工作自然更得心應手。
招聘細節決定你能否請到好同事
最後就是公司評估員工錯誤時是否Make sense和有給予有限度理解（Re-engagement）。以個個案作例子，一位有「客底」和投資眼光的基金經理在2016, 2017年做到相當好的投資回報成績，2018年被邀請到某資產管理公司工作，后來因為大市下跌而令整體回報差，由過去在二級市場約20％年回報大幅收窄至5％左右，令幾位關鍵投資者客戶撤出資金，僱主也因此一時意氣炒左佢，明眼人一看知道5％在2018年已經合格，僱主也不應該因客戶離開而意氣用事 ，反而要參照市場整體表現才判斷同事表現好壞。因為客走客還在，錯失了的人才可能俾另家公司招聘到手，一去不返。后來這位經理一個月內已收到幾家公司面試，我們公司亦當然唔會讓客戶錯過這個candidate，最後更為他爭取到一個滿意的人工加幅。
求職市場千變萬化，只能總結到幾個常犯錯誤。金科玉律是人才應該多給耐性和堅持，琢玉需時，每家公司都有機會是伯樂；公司亦要注意招聘上細節，因為員工時常流失嘅痛苦程度，係貪快招聘到人手嘅一時輕鬆彌補唔到的。
更多關於人事管理的文章:
譚翹暉: 一位月薪26K的95後教會我們的事
黃靜明: 這因素決定你的公司成功與否
請Follow Business Touch Facebook 以收到最新的資訊： https://www.facebook.com/BusinessTouchHK/
